Home
Band
Music
Press
Gallery
Contact
Guestbook
CD EP, 21 July 2012
(running time: 22:58)
Cuiviénen Quenyalambinen (12:25)
Neni Quenter Nin (5:28)
Aldunainie (5:06)
Inspired by the works of J.R.R. Tolkien
All songs written, arranged and performed by the Fauns: Jan-Peer Hartmann, Nils Hartmann, Falk Hartmann, Kirsten Middeke and Thomas Glase, except Cuiviénen: Written, arranged and performed by Jan-Peer Hartmann, Nils Hartmann, Falk Hartmann, Paul Lesný and Mira Stübing; Quenya lyrics by Kirsten Middeke. Thanks to Tabea Schoch for linguistic consultation.
Recorded and mixed by Marco Ponce Kärgel at Recordmode Tonstudio, Berlin. Additional recording by Uri Mohilever at Home Kitchen, Berlin.
Mastered by Tom of TM Productions.
Cover artwork by Marion Bauer. Used with permission.
Tengwar Annatar font by Johan Winge. Used with permission.
Produced by the Fauns.
eleni oira lómisse sílar
núra nú i luine nén
lumbuli sí ambartamen ahostar
métima namárien
palla móre ar oira ló,
mónasse núra Endoro
Menelcalar ú-ortier
i Quendi cuitaner
hrestasse Cuivienénion
sí hosta núlinen
i ambar Lómiquendion
halyaina mórinen
i ailino aldainen teltaine hrestallon
Vilyanna tírnelme ú-halde latinallon
yullelme i nenion naltala silme
lírilmar né calo, pan móre runcilme
pan i raanyaner erdave móre lómisse
ú-encénielmet, mandelta úa sinwe
hostanelme quildasse yá tulle i mór
mel-lumnane yá ahastaina ne i nór
i eleni siller Cuiviénenisse
yá minya lírilma lindanelme lómisse
nan sí pustar síle melehta huinesse
pan Vilya sí lúrea lumbulinen
ela! roquen alcarinqua et-tulle lómillo
ancalima rilma sille henduryatillo
ar i ungo tá runce i tinda hrestallo
áyainen cendanelmes yá anwe i mór
a hlára Minnónar antanye len quettar
ómainen Herunúmenon
a lesta Entarda, a túla númenna
a mára nóresse Valaron
síve quente ar hlárnelme tá Eruo selma
ar nér i tá mínaner hilya i Hyalma
mal exer nér i en avanter i alma
óreryar nér lúrie mori-caurenen
a hilya nin sí i nórenna númesse
calyaina alducálinen
i Valar elde valinve camuvar tasse
han Ear eccaira nilminen
hendunyasse Ear na néce hrossinen
Alatairo neni, túre solminen
lelyuvalme sí, nó i nari fíruvar
halde hendunyallo niri síruvar
sína rácina nórellon
nó i mínya anaróre
sí hilyalme i calma Valon
canwe nyérenen i taure
ai a Lembi, a hépa estel!
tuluva i alya aure
i aure yasse hilyuvaldel
ú-nai síra i métima namárie
– i métima…
ú-nai… – Namárie!
hísinorello
nén tie nyellon
acárie
tulle cálenna
ar falassenna
ter mornie
tirnen neni sírala
cennen vinya siril tuiala
hlarnen síre ulmula
morniesse hlussala
i neni quenter nin
sirilo rilma
cilyasse silma
helyanwion
lemba minasse
hiswa hrestasse
ar-Earon
cennen nén falastala
nelde maiwi círala
otso alquar vílala
alta raumo hostala
i falmar quenter nin
carmi maldaron
av'anta acca ole melme ten
sí túla atalantel
nu menel lúrea
nan estel tuluva
úcénina
hlarnen ear rávea
atalanto quenta ulmula
cennen ossar ruxala
ninque mindo lantala
ear quente nin
súrinen hlárien
lúrinen párien
mornie rómello túlie ve lumbule
aina alducále nahtala
minya yár sírie
minya tár fírie
nainie nandello lámyea amortala
ai! mórisse hláran lindale
man entultuva i cále Valaron sí Ambarenna?
man entintuva alasse Ambar-onnaron óressen?
man sí antuva i Hildin estel rúcima mórisse?
nieryar lá eccoitar alducuile
fifírula